Ussert dass ig Wösch ha gha, Räschte zum Zmittag gwärmt ha u am Nami uf Burgdorf i d'Osteopathie gfahre bi, bin ig Gester meistens gläge. Zum Znüni het d'R. Lougegpfeli für alli bracht u het mir no gholfe Wösch häiche. Am Abe hei mir zum Znacht Bsuech gha vo liebe Fründe.
Hüt bin ig no weniger uf. Es isch fasch z'viel gsy für Achti Bami Goreng z'choche. I bi so froh gsy, si der Sven u der Mäni cho der Tisch decke. Eigetlech hei mir Hüt wölle mit der Grandmaman Zmittag ässe. Si het hüt ihre 89. Geburtstag u isch aber wäge Corona isoliert. I ha du fasch nümm möge ässe u bi gly ume go liege. Am Nami han ig nid möge is Mosaik gah. I bi froh chan ig kandierte Ingwer süggele. Das hilft mir gäge z'Schlächtsy...