Es isch grad vory es Telefon cho vo re Radio Onkologin vom Inselspital. Si het mir erklärt, dass es doch ke Bestrahlig vo myne Rippe uf der rächte Syte wärdi gäh. Die Schmärze won ig heigi syge nid nume vo de Knoche här u si chönni mir i däm Fall nid hälfe. I überchöm besseri Hilf im Schmärzzentrum in Burgdorf. Dört han ig scho ne Termin am nächste Frittig. I weiss nid, öb ig mi söll fröie oder nid...Mou, i fröie mi, dass ig ke Bestrahlig u ihri Näbewürkige muess dürestah!