I Gottesdienst bin ig Gester, nach einige Wuche won ig nid ha möge gah. Am Mittag hei mir Bsuech gha vor jüngste Schwöschter vom Kurt, syre Kusine und Tante. Es isch e gmüetlechi Rundi gsy wo o der Kurt Senior derzue gstossen isch.
Ir letschte Nacht bin ig etlechi Mal uf. Mir sy beidi so müed gsy, dass mir scho am Achti is Bett sy. Won ig zum erste Mal erwachet bi, han ig gmeint es sygi scho Morge, derbi isch erscht 21.40 Uhr gsy. I bi vo denn aa tatsächlech all zwo Stund uf...
Am 09.45 Uhr han ig e Termin ir Radio Onkologie gha. Si hei mir dört ume ne Maske agfertiget. Das gseht gfürchtig uus. Si hei mir das Mal ke Kriegsbemalig gmacht, da si alli Striche uf d'Maske hei chönne zeichne. I bi no froh drum. I muess de nächsti Wuche go bestrahle...