I ha syt vorgester am Abe ke Methadon meh gno. Syder isch es mir nümm schlächt. Es sy müehsami Täg gsy mit em Methadon...I nime jetz eifach chly meh Palexia u wirde am Mändimorge grad sofort e Termin mit der Schmärzärztin abmache.
I ha Gester verschiedeni liebi Bsüech gha u süsch no Zeiche vo Verbundeheit, syg's per Post oder online. Das het mir guet tah!
Hüt bin ig vorwiegend allei. Am Mittag wird äuä der M@i da sy. Är muess im Büro no ne Uftrag fertig mache. Der Kurt het bis am Vieri e Retraite. Wenn er de Hei chunnt göh mir de uf Hasle go der erscht Geburtstag vom Noé go fyyre.
I bi so froh geit's mir ume besser! Danke für alli Gebät!