Gester am Nami han ig d'Giele goumet. Ihres Mami het d'Theorieprüefig gha u het se o grad bestande. Si sy ganz liebi gsy. Eis Mal wo si zäme am legöle si gsy, sy mir d'Ouge zuegheit. Da het der Aiden gmeint: hei, Grossmami schlafsch Du? Si sy du no zum Znacht blybe. I ha letscht Nacht ume eis guet gschlafe.
Hüt am Morge han ig plötzlech müesse gögge. Kei Ahnig wieso. I ha mi gfragt, öb mys Ufgebot ir Insle mi so dermasse im underbewusstsy nachenimmt. I bi hüt go d'Bestrahlig bespräche. I weiss ja was mi erwartet. I bi Hüt der ganz Tag meh oder weniger am dööse...i gah jetz de gly is Bett.