Gester het der M@i um di 30 Lüt yglade zum fyyre a der Syrengasse , ir Fabrikhalle u bym Vordach. Jedes het sys Fleisch sälber mitbracht. Es isch brätlet worde. D'Flavia het ume e mit Trockefleisch u Pistasch gfüllti Züpfe gmacht u ne feine Tomate, Zibele, Mozzarella Salat. D'Sarah het e feine Rüeblisalat, Müffins u süsch no feini Sache gmacht. Es hei sech alli dranne beteiligt, Gäld z'sammle für ne nöie Bass.
Hüt hei sech der P. u d'R. vor Gmeind verabschiedet. Si sy zäh Jahr im Kosovo ir Mission gsy u hei ungerdessi vier Giele übercho. Si sy jetz ir Ostschwyz u hei sech bir Gmeind bedankt für d'Understützig i de letschte Jahr.
Am Mittag hei mir d'R. u der H. mit ihrer jüngste Tochter wo ne Operation am
Fuess het gha hie gha. Si hei no ihres Hundeli mitgnoh gha...
Gägen Abe sy mir scho wieder a nes Geburifest. Der P. isch Hüt 31gi. Es het dusse Glüehwy u süsch Getränk ggäh u nächär Fondue wi uf em Bild.
Hüt isch üse jüngscht Änku eis Jahr alt worde. Mir göh de nächscht Wuche zue ne go fyyre.