Gester am Abe sy der Kurt u ig zum Hedy i s'Bahnhöfli, da mir bis Hinecht es Zertifikat hei. Es het üs gluschtet, was si am Mittag uf em Menüplan het gha, nämlech Rösslisteak a re feine Pfäffesauce mit Pommes.
Hüt am Morge han i müesse go Bluet gäh wüu ig s'letschte Mal schlächti Läbere Wärte ha gha won ig s'Methadon probiert ha. I ha vory aaglütte u nachegfragt wi's usgsäch. Es het gheisse es sygi alles im Normberych. I chönni so wyterfahre oder mit em Einte Medi abefahre u s'andere erhöche...
Hinecht göh mir z'ersch zu M. u Ch. go aperöle u nächär i Alpeblick go Znacht ässe. S'Hedy chunnt de o mit Fründe dört häre. Mir blybe de grad über Nacht.
I freue mi uf's feine Ässe.