Da ig s'Zertifikat ha, bin ig hüt am Morge uf Lützelflüh go bade. Ungerwägs hei si vom Bärau uus aaglütte u mir hei abgmacht für d'Wienachtsferie. I ha mit em Peter am Nami abgmacht... u ha du grad für 10 Franke meh, am Morge id'Wellness chönne. es het dört es dampfbad, e Dampfdusche, e Biosauna u ne warmi Sauna u natürlech Liegine. Am 10.30 Uhr han ig z'Gfüehl gha i müessi 5mg Methadon näh. Es isch mir schlächt worde u de han ig 4 mg Odansetron gschlückt. Es het doch nüm viel gnützt u alles isch zrügg cho. I ha' s zum Glück is WC vom Aemmefit gschafft.
Am Mittag han ig nid viel möge. Es het Räschte ggäh, gebratene Rys mit Ei u Spaghetti. Derzue no Salat.
Am Zwöi han ig mit em Pesche abgmacht, dass ig ihn hole. Mir sy zäme uf Grosshöchstette i Landblick go d'Grandmaman bsueche. Es sy no grad der D. u d' Ch. uf Bsuech cho. Mir hei zäme Zvieri ggässe. Wo du Z.'s wyter sy, han ig d'Grandmaman u der Peter is Outo packt u bi mit ihne über Bigle u d'Moosegg uf Bärau gfahre wo mir der Peter usglade hei. i ha nächär d'Mamie im Landblick
usglade u ha am M@i der Auris bracht. Är het Hinecht no Homeschooling.
Der Kurt isch Hinecht mit mir is Bahnhöfli zum Hedy go Znacht ässe. Mir hei es zarts Rossentrecôte u Pommes übercho, derzue feine Wyy. Der Kurt isch Heigfahre. Ig hät nümm chönne...
Hüt het der Onkolog am Morge probiert mi z'erreiche u het's nid gschafft. Er het's nümm probiert...Morn muess ig am 10i ir Onkologie .sy...I bi gspannt, was isch...