D'Grandmaman isch zu üs cho s'Zmittag ässe. I ha ne Kochbanane Ragout Eintopf gmacht. Es het no ne Räschte Gari u Salat gäh derzue. Am Nami han ig der Auris uf Thun/Allmendingen müesse go lah prüefe. Der M@i isch verkältet, isch lut Test Negativ u isch froh gsy bin ig mit em Grandmaman zur Prüefig gfahre.Är het du der Copen gnoh für Hei... I ha dörfe s'Mamie im Outo mitnäh u bym Prüefe dynne lah. Das isch rächt e kurzi Sach gsy...
Am Abe het der Kurt mit einige vor BPlus, Herrenabe gha. Si sy 13 Manne gsy u hei Fondue für 20 ggässe. I bi no nid is Bett, 'ha gwartet bis my Schatz isch Hei cho. Mir hei zmitts ir Nacht no nes Bad gnoh...
Hüt het der David am Achti d'Jael bracht. Mir sy gäge Zähni gfahre, i ha no hurti im Müller im Stadion in Thun öppis gkouft. Bym Wegmüller Fruttigen hei mir es Palett Möbel usglade u sy wyter uf Adelboden zu N. u M. go s'Zmittag ässe. Es isch fein gsy, Countryfrieds potatoe, Fleisch u Salat. D'M. het zum Dessert no ne Schoggi Roulade gmacht gha. Mir hei no Vermicelles, Nidle u Merängge mitbracht gha. Nach em Ässe het der Poppeli u der N. mit der Jael Lego gspielt. Am Vieri sy mir wieder gäge Hei zue. Ungerwägs hei mir für d' Grandmaman Schoggi u süsch Sache gkouft wo si bstellt het. Daheime hei mir mit der Jael Znacht ggässe. Der David het se am Siebni gholt. Der Noé het mir sogar es Lächle gschänkt.