Am Donnstig Abe isch mys Telefon no nach de Nüne los gange. Es isch d'B. gsy. Si het mir erklärt, dass si viel "Muet" bbrucht het, sech bi üs so spät no z'mäude. Vor 34 Jahr isch si üsi Brutfüehrere gsy. Am Frittignamittag isch si üs cho bsueche. Der M@i, der Miggi, der David u syni zwöi Kiddies sy o da gsy. Es isch fei öppis gloffe. D'B. isch im Appebärg am ne Märlikurs gsy. Gester sy mir scho zum Zmorge zu üsere Schwiegertochter u de Buebe go ässe. Der Stephan isch am ne Töffkurs. Mir hei grad bi ihrer Nachbere wo Hebamme isch der C. Test chönne mache wo mir hei sölle, nach em Heicho vo de Ferie...
Am 13.30 Uhr isch der M. cho mit em E. u re Fründin mit ihrem Bueb. Si hei üs Injera bracht mit ere Fleischsauce u Linse.
Dass mir es Zertifikat hei het üs veranlasst i Usgang z'gah. Im Appebärg hei mir üs du zum Znacht aagmäudet. Am Achti hei mir i ne Saal chönne go Märli lose. Di Froue hei ydrücklech verzellt. D'B. isch vo mir uus di Besti gsy vo allne!
Hüt het der Kurt nach em Gottesdienst no ne usserordentlechi Vereinsversammlig gha. Mir hei zwöi befründeti Paar u der M@i zum ne Raclette yglade gha. Bis mir ggässe hei isch 13.30 Uhr gsy.
Hinecht göh der Kurt u ig mit em Kurt Senior is Beluga zwüschem Gwatt u Erlebach syni 88 Jahr go fyyre.