Gester bin ig bym Onkolog gsy. Si hei mir aus erschts es paar Röhrli Bluet gno u hei das ygschickt. I vernime de vom Dr. nächst Wuche, öb sech der Tumormarker im Guete oder nid entwicklecht.
Am Abe wäre mir yglade gsy in Yvonan. Mir hei in Bärn no hurti wölle go ne Test mache für dört häre. Won igbym Testzentrum aacho bi, han ig grad am Kurt aaglütte er söll nid parkiere i stöngi da nid aa. Es het scho ne Kolone vo 300 Meter gha vo Lüt wo friedlech aagstande sy. I ha also rächtsum Kehrt gmacht u der Kurt het das Träffe, abgseit. Mir sy du uf Habstetten by Bollige is Rössli. Es isch ja e portugiesische Wirt druffe. Mir hei es Glas Vino Werde gha mit feine Olive u hei nächär no Znacht ggässe. Mir hei es Rinds Carpacio zur Vorspys u zum Houptgang, Stockfisch mit Härdöpfustock teilt.
Hüt han ig am Namittag d'Grandmaman mitgnoh is ikut. Mir hei ir BPlus in Konolfinge der 19. Geburtstag gfyret. Es sy fei mängi Frou cho u öppe glych viel Kinder. Es het gfägt, z'erscht Lotto spiele mit Prysli u nächär, e Pinjata uf em Spielplatz abeschlaa u aschliessend es mega Zvieri ässe.
.