Hüt isch eher e ruhige Tag. I bi scho am Achti go Zmorgen ässe. Si hei mir Gester nid wölle chönne der Topper vom einte Zimmer zum Andere wächsle, da d'Bett nid glych gross syge... Trotz Wulledechi underem Lyntuech isch das Bett so mega hert gsy, dass mir am Morge jede Knoche einzu weh tah het. I ha chly meh Palexia ygworfe.
I ha mit em ne o Morn Hei reisende Maa Zmorge ggässe wo o vor Jahre mit der Familie hie isch gsy u wo wi bi mir d'Kind u Grosskind zum Teil mit der Fähre Hei sy.
Nach em Zmorge, bin ig am 09.10 Uhr go aastah für's teste. Es het scho sicher zäh Lütt vor mir gha u die wo am halbi Zähni pünktlech sy cho hei sicher zwänzg Lüt vor sech gha. D'Theme C. u I. sy hie Tabu...I settigne Momänte gseht me jedoch wi viel sech no gäge s'I. wehre...I ha mir nächär grad chönne go nes feins Capuccino hole, am Zähni. Der Gottesdienst isch ab Hüt nur einisch u das am 10.15 Uhr. Bis Gester het's aube zwöi gha...
I bi nächär allei go Zmittag ässe. Zum Kaffi bin ig no chly a my lieblings Platz ghocket u ha kurz chönne sünnele. (siehe Foto)
Sobald ig is Zimmer u gläge bi, isch es ume cho rägne. I bi viel Besser gläge u my Rügge het sech fei guet entspannt wüu der Dani vor GVC wo hie alles was Hotel anbelangt managet ghört het wie ig am Mägi (di beschti Wywanderig Begleiterin vor GVC) gseit ha i heigi nid guet gschlafe. Är het für mi Topper organisiert. Merci viel Mal!
I cha jetz de go mys Zertifikat hole für e Heiflug. Es gluschtet mi aber no gar nid use z'gah. Es rägnet geng no...I tue jetz de no myni Rollköfferli packe.
Hinecht isch Worship Night. Da gahn ig sicher!