So öppis han ig scho lang nüm erläbt. Es het us Küble grägnet u eis Gwitter nach em Andere isch megaschnäll verbyzoge. Die griechische Hüsli hei's nid lang ir ihrer Dichti ghalte. Am halbi zwöi ir Nacht han igs ghört verdächtig schnäll tröpfle. I bi du is Bad u ha Liecht gmacht. Ums Lavabo um isch alles nass gsy. Es het us der Spotlampefassig vor Dieli oben abe tropfet. Im Schlafzimmer het's o ne glungge gha. Dört het's bym Füürmälder oben abe tropfet. Mir hei du grad packt. Vor em Zmorge bin ig das a d'Reception go mälde u ha gwünscht i nes anders Zimmer z'dörfe. Hüt gäge Mittag sy mir mit em ne Elektrowägeli is Zimmer gfahre worde. Dört het üs der Fahrer ghulfe üses Gepäck uf z'lade. Der Kurt het scho Mal der gross Koffer mit de schwähre Sache lah uflade. Myni Sache hei mir grad i mys nöie Zimmer tah. I bi jetz i üsem lieblingsgebäude, im 903. Der Kurt isch am 12i mit em ne chlyne Bus, mit paar anderne vo hie uf Kalamata transferiert worde. Si flüge Hüt Hei. I ha no mit der Familie S. Zmittag ggässe. Si sy nächär Richtig Patras u göh mit der Fähre Hei.
Hüt am Namittag gahn ig a ne Lettering Kurs. I bi froh, git's dä Workshop und, dass ig no Platz ha gha. Es isch e beschränkti Azahl a Teilnähmer...