Di letschte drü Täg hei geng nass aagfange. Gäge Namittag het's aube ume uftah. Es isch es Chutteli küehler aber geng no schön. Es heigi s'letschte halbe Jahr fasch nüt grägnet u d'Grieche hei Fröid dranne.
A de letschte Täg hei mir fasch jede Tag furt chönne. Uf Katakolon, vorgester uf Olympia mit aaschliessender Wyydegustation u Gester uf Amaliada a Märit. Der Kurt het dört sogar e Suflakiwage entdeckt. Es isch scho krass billig: ei Euro pro Spiessli!
Hüt isch der Opa am Hei reise. Der Kurt het ihn grad bym Bus verabschiedet. Är isch di letschte zwo Wuche mit üs da gsy.