Das isch im Süd Peloponnes gsy, in Petalidi. Es isch e mega Tortur gsy, mit vier Kinder zwüsche zwöi u zäh jährig im Car vo Athen dört häre. Es sy nid di einzige Kids gsy...anderi hei no blöder tah...si (nid üsi) hei erbroche u das het im ganze Bus gstunke...
Di nächsti Reis isch uf Evia gsy u nächär sy mir geng mit der Fähre gange.
Hüt isch der Grossvater uf en Usflug uf Sakintos. Si sy scho am 06.30 Uhr abgfahre.
I bi hüt scho zum vierte Mal i dene Ferie is Meer. Di meisti Zyt uf der Änte...
Hüt reise öppe no Mal soviel wi scho da sy aa. I bi gspannt, wän as ig alles kene...
Vorfröid isch geng di Schönschti!