Hüt am Morge han ig chönne zur Schmärzärztin gah. Si het mir nöii Papier ggäh mit meh Schmärzmittu verschrybe, u das sy äbe Betäubigsmittu...
I ha plötzlech z'Gfüehl gha, es bruuchi doch meh als das wo si letscht Wuche verschrybe het gha...
Am Mittag sy mir uf Willisau go ässe. Es isch eine vor Belegschaft pensioniert worde u dä het mi o yglade. Es het feine Hamme u sälbergmachte Härdöpfusalat ggäh...
Uf em Heiwäg bin ig uf Rüegsauschache go nes Kaffi u Dessert näh u e paar Mal Memory spiele. D'Jael isch mega guet gsy u het meistens gwunne...
Gäge Abe sy mir uf Bleike i ne Beiz wo d'Usse Plätz für di Ungimpfte reserviere.
Mir hei dört Gänfer Prosecco trunke u der Kurt het es Rindsrumpsteak mit Gmües u Pommes u ig ha Roast Beef mit Tartar sauce u Pommes gha.
Es isch fein gsy u mir sy dört no mit Sunnestrahle wäg. Mir sy über Häutligen, Urselle, Gysenstein, Schlosswil, Grosshöchstetten Hei. Daheime het der M@i mit der Biglebänd g'üebt. I ha nach em ne Panache nümm möge u bi ufe cho schrybe, jetz gahn ig is Bett...