I ha Gester der ganz Tag bruucht um mi vo Zischtig z'erhole. Am Morge han ig sogar myni gliebti Livenet Pouse verschlafe. I bi bis am haubi Sächsi am Liege gsy. Da han ig s'Bedürfnis gspürt no a d'Sunne z'ga. Mir hei der Copen uspackt u sy uf d'Mänziwilegg. Dört het's im ne Restaurant vo üsere Region am längste Sunne. Der Kurt isch dört i Wyykäller go ne Fläsche Champagner hole wo mir zum Apéro u Znacht gnosse hei. Är het es grosses Schwynskotelett u Gmües bstellt u ig Pouletflügeli mit Pommes. Mir hei üs d'Bylage teilt u das het guet glängt. Wo d'Sunne um di haubi Achti hingere Jura abe isch, sy mir mit em offene Copen ume Hei gfahre.
Nach em ne Entspannigsbad sy mir no vor em Nüni is Bett.