I bi Gester mit em letschte Zug vo Züri Heicho. I bi mit der K. vo Bärn aa zäme gfahre u wieder bis dört zrügg. Ir Giesserei in Oerlikon hei mir, Dank GGG, ohni Maske s'25 jährige Jubiläum vom Bruefsverband vo de SozialbegleiterInne u s'10-Jährige vor eidgenössische Bruefsprüefig gfyyret. I bi ja ar Schuel für Sozialbegleitig i zwöine Klasse gsy. Es sy, näb mir, vo beidne Klasse no je zwöi Studierendi derby gsy. Der Röbi Koller het der ganz Aalass moderiert.
da ig der Zähni Zug um zwöi Minute verpasst ha, bin ig no bis am Elfi mit der K. u zwöine Lüt wo si kennt het, is Bahnhof Buffet in Züri. Im Zug vo Bärn uf Konolfingen bin ig mit em B. gfahre. Es het fei e chly viel Tiegere gha wo sech mit Bier tröschtet hei. Si hei gäge d'Bäre Eis zu Acht verlore. Der Pesche isch mega glücklech drüber...Är aus grosse SCB Fan...