Gester isch ume eis ikut gsy. I bi mit em Pesche uf Konolfingen. Eigetlech han ig wölle d'Grandmaman mitnäh aber bi ihre isch immer bsetzt gsy über ne Stund. Mir sy mit em Copen häre. I ha vo dört uus ume probiert aaz'lütte u da isch es ume gange. Myni Schwägerin tuet ihre aube us Biographie Büecher läse u si het's voll vergässe gha. Es sy fei e chly Froue da gsy u o es halb Doze Kinder. Si hei di Töggeli mit Kürbikopf bastlet. Zum Zvieri het's e Kürbis Penne Gratin ggäh. Am Füfi het's no e Sitzig gha mit der Leiterin vor Fachkommission. Am Abe hei mir bi üs Daheime am Achti Chlygruppe gha. Es isch aube spannend usz'tuusche über di vergangni Predigt. I bi froh gsy han ig chönne währenddäm uf der Massageliegi sy. Der Kurt isch am Morge mit sym Vater uf Willisou u nächär grad uf Wilderswil. Am Abe isch er grad dört blybe. I ha doch chönne schlafe, o wenn ig allei bi gsy. Hüt han ig gar nid möge. Mir hei fasch di ganz Zyt fernseh gluegt…