Ja Gester hei mir üse 34. Hochzytstag gfyyret. Uf di 14.00 Uhr sy einigi vo üsne Junge cho. Di andere sy später cho. Der Kurt het e Rehrügge Stunde lang im Ofen niedergaret u später für e guete Gschmack no über d'Gluet vom Holzkohlegrill tah. Är het derzue zwöi feini Sauce gmacht. Di einti het e chly viel Zibele drinne gha, dass es bi einzelne zu vermehrter Gasproduktion gfüehrt het. D'Flavia het feini Knöpfli gmacht wo mir no im Anke brätlet hei. Der Kurt het no e feine Spinet, Tomate u Bohnesalat gmacht. Zum Dessert, het d'Sarah es feins Tira mi sù kreiert. Kurz nach em Ässe, bin ig vor Müedi fasch ab em Stängeli gheit. I bi du i mys Tageszimmer go liege. Der Pesche isch gly Mau cho Fernseh luege u ig ha richtig gschlafe. Won ig du erwachet bi, hei scho alli i üsem warme Bädli badet gha. Di einte sy scho Hei gange gsy.
Hüt han ig eigetlech nüt los gha. Der Pesche het mir aber gly Mal gseit: "Wott zu Mamaman go Zvieri näh!" Das hei mir Hüt Nami du gmacht. Mir sy zur Grandmaman uf d'Terrasse vom Landblick go Zvieri näh. Zrügg Daheime hei mir
Ume unsere kleine Farm gluegt...