Am Morge si mir zäme go ychoufe, is TopCC. I ha nächär Zmittag gkochet für siebni. Der M@i het e Räschte Ryys bracht u no feins Poulet Curry won ig mit Pouletragout gstreckt ha. I ha no vier Kochbanane zu Dodo gmacht.
Nach em Chuchi ufruume si mir go d'R. bsueche u hei dört vo ihrem feine Tee trunke. Am füf vor Vieri si mir zäme im Solbad gsy. E ganzi Stund hei mir's d'inne usghalte. Es isch no es liebs befründets Paar is Wasser cho u de isch d'Zyt no viel schnäller düre gsy. Der Pesche fahrt gärn im Cabrio mit...
Der Kurt het zum Znacht e feine Cervelats-Avocados Salat gmacht. I ha am Abe d'Happy Day Sändig vom letschte Samstig gluegt. Ja, da het's o e Muetter derby mit Brustkrebs wo uf Griecheland i d'Ferie geit...