Am Morge bin ig go bade u ha fei lang mit ere Frou gredt wo gschockt isch gsy ab mym Verzelle. Si het nid chönne verstah, dass ig en unheilbari Diagnose ha u mi dermit arrangiere. I gniesse's eifach, dass es mir im Momänt guet geit u sech der Kräbs still het.
Am Mittag hei mir Maiskölbe mit Krütterbutter u Cordon-Bleu mit Salat ggässe.
D'Grandmaman het wölle mitcho, der Pesche hole. Mir sy du uf em Heiwäg vom Bärau uf d'Lüdere go Zvieri näh, sy der glych Wäg ume zrügg uf Bärau. Da mir no Zyt hei gha, sy mir no über d'Moosegg u em Möschbärg uf Höchi go d'grandmaman Hei tueh u sy nächär uf Bigle. Der Pesche ischab Hüt bi üs i de Ferie.
Der Kurt het zum Znacht Spiegeleier mit Tomate u Schinke gmacht. Derzue het's Brot ggäh. Hinecht hei mir Fernseh gluegt...