Früecher han ig aube bis zu 12 Trummele Wösch gha. Hüt han ig drüü nid ganz volli gha...Mit de Putzlümpe--> vier. Zum Zmittag han ig wieder Spitzkabis gmacht. Das Mal mit Riccotta u Nidle u Tartar. Derzue, e im Ofe brätleti Späcksytte. Die isch mega knusprig gsy. I ha Hüt mi Ryschocher bruucht...Feiiin gsy! Am Nami han ig der Rapport vom Pesche gschrybe. Es liebs befründets Paar isch zum Kaffee verbycho und myni Maschine isch grad im entkalchigs Programm gsy... Das isch mir nid rächt gsy. Mir hei's aber gmüetlech gha u hei müesse stuune wi d'Wält grad im chrischtleche Chueche e so chlyy isch. Hinecht han ig no chly am Rapport gschrybe u gah jetz no go nes Bad näh i üsere Badwanne.
Guet Nacht!