Im TimeOut het's Hüt viel Lüt gha. I bi sicher, dass es meh wäre gsy als di 15 wo i di grossi Sauna dörfte, für en Ufguss...Es isch lustig gsy, mit der E. Si het o einigi Operatione hinger sech wäge Kräbs und so. Es hit scho ne gwüsse Galgehumor. Mir hei uf all Fäll paar Sprüch tuuschet. Am Mittag han ig vom Türkelade Börek mit Hackfleisch u Salat bracht.
Am zwöi han ig e Termin byr Schmärzärztin gha. I bi mit em Copen häre. Si het mit ihri Notitze ggäh vom ne Vortrag zum Thema Neuropathie ggäh u het mir no Üebige zeigt won ig cha mache. Si het mir es Schmärzöl verschrybe. Blaue Ysehuet, Gampfer u Lavendel heig's drynne. Das hilft bi Närveschmärze grad bsungers. Uf em Heiwäg bin ig zur R. go nes Kaffi näh. Es isch wärmer gsy als im Wetterbricht voruusgseit. Da bin ig scho no froh gsy.