Es het mi tüecht, i müessi das mache, damit ig o innerlech chönni heile. Ja, i bi wieder allei mit em Flüger uf Griecheland u d'Familie mit em Outo greist.
Im Flüger han ig scho gly mit dene Lüt wo näbe mir ghocket sy afa rede. Mir sy gly druf cho, dass o si i Aldemar göh aber nid mit Kultour. I ha ihne erklärt, wi s'Programm usgsäch wo d'GVC dört aabieti u ha grad mit ihne über mi Gloube afa rede. Si sy rächt offe gsy. I ha se yglade, si sölle doch de yneluege i eim vo de Morgegottesdienste u das hei si gmacht. Si hei's du nid nume einisch gmacht, sondern es het ihne mega gfalle u si sy fasch jede Tag derby gsy. Si hei sech i dene Ferie tatsächlech mit em Gloube a Jesus usenandergsetzt u hei sech druf yyglah. Soviel ig weiss, isch si Hüt es Mitglied vor GVC.