Gester han ig mit em Mamie im Copen wölle usfahre. Si hei aber ändlech ume Andacht gha. De sy mir is Tearoom öppis go ha u nächär han ig se i Andachtsruum tah. Si het jetz lang gnue planget.
I bi ändlech fertig worde mit em Kopiere.
Am Abe isch D'Chlygruppe zu üs cho. Was chunnt ächt alles no uf üs zue? We me so lost, was uf dere Wält abgeit...
Hüt am Morge sy üsi Söhn ume eis vor em Siebni, alli da gsy. Das fröit mi aube fescht. Es isch aube meischtens luschtig. Der Eint bruucht sys Latte Macchiato, der Ander, es Chi Latte u der Jüngscht, syni Milch mit vier Kaffilöffeli Suchard Express Am Achti bin ig go bade u i d'Sauna. I ha mir no ne Öl Massage ggönnt. S'Zmittag han ig vorhär im Ofe gha u timeret: Gfüllti Zucchetti u Pepperoni mit em Räschte Rys u Ghacktem.
Am Nami machen ig zum letschte Mal am Pesche syni Rächnig. Morn giben ig alles ar Flavia u ar KESB ab.
Hinecht sy mir in Thun bi H. u E. zum Znacht yglade. I fröie mi!