S'Bild vom Spital isch vo Neo1 gmacht...
Am Morge han ig no Wösch gha. D'Sarah het mir vor em Mittag ghulfe Salat, es Poulet-Späck a Kokosmilch u Basmati Rys derzue.
I bi scho am 14.15Uhr im Spital gsy für Bluetentnahm u em ne Gspräch mit em Onkolog. D'Wärte sy alli im Normberych u wäg de Schmärze won ig ha, söll ig nid spare mit de Schmärzmittu. Es het en anderi Frou näbe mir ihri Infusion übercho. Es het guet tah zäme usz'tuusche. Si gloubt o a ne Gott wo Wunder tuet. Ig o u doch hei mir beidi gseit, tüe mir üs uf beid Wäg vorbereite: hie gsund z'wärde oder de erscht im Himmel. Gott weiss! I bi nächär uf di 16.30 Uhr zur C.
i d'Osteopathie. Si het mir fei e Spannig um myni Rippi ume chönne löse.
Hinecht sy der Kurt u ig no hurti mit em Copen zu R. u H. Es fägt, me cha ne sövu heize, dass me sogar ir Nacht mit offenem Dach cha fahre...