Gester han ig Geburtstag gha. Am Abe sy üsi Vier Kinder mit ihrne Kinder u paar Fründe da gsy. Der Kurt het scho am Abe vorhär e Schafschultere u Rinds Asado im Ofe niedergaret u no sächs Stund uf 130 Grad la schmore. Es het no Poulet u Chässpiessli gha für die wo's lieber hei. Derzue het's Pommes u grüene u ne vo M@i u Sabrina gmachte Hörnlisalat ggäh. Zum Dessert hei di drüü andere Kinder/Familie Quarktorte, Schoggitorte u Aprikosechueche gmacht. Mir hei zäme gfyyret u ig bi gäge Elfi kaputt aber z'friede is Bett.
Hüt am Morge isch der David cho hälfe ufruume. Nachär hei sech der Poppeli, der David u syni zwöi Kiddies im Bad erfrüscht. Mir sy derfür i Kalchofe go Zmittag ässe. Mmmh, s'isch fein gsy! Am haubi Drüü hei der Pesche u ig bym R. abgmacht gha. Mir sy über d'Moosegg hin u här gfahre. Uf em Heiwäg hei mir no im Chlyrot im Chäsilade Anke u Nidle gkouft...