Hüt am Morge bin ig mit em Copen is TimeOut gfahre, go bade. I ha es paar nätti Lütt troffe u ha braschtet...Nächär bin ig go poschte für Morn. I ha's wäg der Maske nid so lang i de Läde usghalte...Der M@i het mir zum Glück ghulfe Zmittag choche: Räschte vom Küngel u bohne. Neu, Teigware u Cordon Bleu u für mi es überfahrnigs Hüehnerbrüschtli ohni Knoche u derzue feini früschi Eierschwämmli.
Am Namittag bin ig scho wieder mit em Copen gfahre u das mit mym Schatz uf Thun. Der ProAce het e Panne gha. Mir sy ne im Outotämpel go hole. Irgendwie het's mit em AdBlue Ysprützer öppis gha. Mega kompliziert...u vor allem tüür.
Hinecht het der M@i Bandprob mit coole Lüt. I bi ir Pouse hurti abe...das sy d'Fötteli dervo...I bi geng no am Kopiere...
Chuum hei mir di Fötteli gmacht het's afa stüürme, jetz rägnet's u zwüschyne het Hagukörner...Morn sött's ja ume schön sy...