Gester han ig afa s'Buech vom Brüetsch läse. Es isch mega spannend. Me cha's unger www.missionnarr.com bstelle. Drum han ig gar nüm d'Kapazität gha no z'schrybe.
Hüt het my Schatz scho am Morge afa choche. Er het Salat, zwöi Küngle u Polenta us em Tessin gmacht. I ha zur Vorspyys Kochbanane i Palmöl brätlet mit Zibele. Am Mittag sy mir zwölf Lüt gsy, beidi Urgrossmüettere der Urgrossvater, üse Näffe, drü vo üsne Kinder, d'Jael, d'Schwöschter vom Kurt u der Schwager u mir. Mir sy am Nami i Pool go bade. Es isch 32 Grad gsy. D'Jael het's ganz guet mit schwümme.
Syt Gester bin ig sicher scho siebe Stunde am Blog u myni Gschicht im ne Word am kopiere gsy. Es isch mega ufwändig. I hät vo Afang aa scho sölle s'Ganze sichere.