Am Morge bin ig is TimeOut go bade. Uf em Heiwäg han ig in Ostermundige d'Thai Froue nümm gfunde. Ihres Budeli het äuä Corona nid überläbt...
I bi zum Glück no chly go ume luege. Im Burgernziel het's es China Restaurant u dört hei si mir drüü Menüs im Nu zwäggmacht. Es isch feiiin gsy!
Nach ere kurze Siesta, bin ig go d'Mamie hole u mir si zäme mit em Copen usgfahre. Uf dr Moosegg obe hei zwöi Froue us em Kanton Züri Zollbrügg gsuecht. Ig ha ihne vorgschlage, dass si mir sölle nache fahre. I ha se gfragt, wo si de dört häre wölli.
Si hei gmeint, "in den Wollenladen". I ha se du bis zum Parkplatz vom Jakob Markt glotzet. Si sy sehr dankbar gsy.
D'Mamie u ig si du uf Bärau i d'Markthalle go ne Wegmatte Glace ässe.
Uf em Heiwäg hei mir bym Schürch s'Zäzi Erdbeeri, Kirschi u Aprikose gkouft. Es isch krass, wi schnäll sech di Früchtflöige draa mache...wo chöme äch die här?
Am Abe han ig no Mau mit em Copen d'Umgäbig unsicher gmacht...