Wie o scho erwähnt, isch es aube e Kunst gsy üsi Kinder i de Ferie zäme z'ungerhalte. Das isch im Aldemar gar kes Problem gsy. Es het üs immer wieder gfalle, im Herbst dört häre z'reise. Es si Beziehige entstande u anderi si wieder ufgfrüscht worde wo no jetz bestöh. Für üsi Kinder isch fasch klar gsy wo häre i d'Ferie. Es paar Mal hei mir Schuelfründe vo eim vo üsne Kinder mitgnoh. Der täglech Gottesdienst mit em Theater wo geng im spannendscht Momänt ufghört het, dä het me aube gspannt erwartet. Sowie d'Kinder ihri Programms hei gha, so hei mir als Eltere entweder d'Zyt z'zwöit gnosse oder o am ne Workshop chönne teilnäh. Der Märit Bsuech im benachbarte Dorf oder s'Shoppe in Pyrgos hei nid dörfe fähle. Mir hei üs jedes Jahr dört, im Sportgschäft, uf em Märit i Boutiques u im ne Chinashop wieder ygkleidet.