Z'erscht sy's TA(Transaktionsanalyse)Kürs gsy bim Toni Nyffenegger. Später han ig drüü Jahr lang, d'Kürs vom InstitutPlus gmacht: s'Basic u s'Advanced. Das si Wyterbildige i Persönlechkeistbildig (Findig) u Leiterschaft gsy. Die si öppedie ir Meielisalp gsy, aube vom Frittig Abe ( ir Coachinggruppe )u nächär bis am Sunndig Abe. Da isch vo Psychologie über Kirchegschicht, Retorik, Theologie, Religionslehr u no vieles draacho. Zwüschyne hei mir no ggässe u Beziehigspfleg g'üebt. I ha viel glernt fürs Läbe ir Kirche u o süsch.