Es het gheisse, er lütti am Zähni aa. Gäge Halbi Elfi hets tschäderet. Der Onkolog het aaglütte. Er het gseit, d'Bluetwärte syge alli ir Norm. Der Tumormarker syg no meh gsunke. I sölls gniesse. Er wöll mi glych i zwöi Wuche ume gseh, da dä Tumor hinderlistig syg u plötzlech ume chönni cho.
I ha der Copen gsattlet u bi z'erscht zum Flävi go ne Kaffee trinke. I bi nächär über Belp-Bümpliz is WestSide. Dört han ig im Migros öppis z'knabbere postet u dusse ggässe. I bi du fasch am haubi Zwöi is BernAqua. I ha öpper vom Time troffe. I ha's nid allzu lang usghalte. Der Rückwäg isch im Norde vor Stadt düre. I ha no ne Glace us der Gelateria vo Ostermundige gnosse. Daheime zrügg bin ig grad ygschlafe. Mir si im Kreuz Schlosswil go di guete Wärte mit em ne feine Znacht fyyre. Jetz gahn ig is Bett...