Gester am Abe sy no der H. u d'R. i Alpenblick cho Znacht ässe. Es isch ume mega fein gsy! Der Kurt het en Alpeblick Fischsuppe gno u ig ha o chly dervo ggässe. Är het es Kalbskotelette mit Brathärdöpfeli gha u ig es Rindstatar mit Alumetten Pommes Frites. Mir hei beidi nächär no nes Dessert gno. Wo du N's am Zähni Hei ggange si, bin ig o go liege. Der Kurt isch no länger mit Stöcklis am Tisch ghocket.
Hüt am Morge si mir nach em Zmorge no nes Momäntli go liege u nächär no nes Zytli mit der Familie Stöckli samt am Grosi am Zmorgetisch ghöklet.
Uf em Heiwäg si mir no i Fontis-Lade vo Interlake go Büecher u Karte poschte.
Hinecht het's grad zwöi Fest um üses Huus um. S'Einte isch e Fyyr zum Lehrabschluss vor Schwöschter vom Päscu. Weder ihre Lehrbetrieb no ihri Lehrer hei sech wölle chönne mit ihre usenandersetze. Der Kurt u ig si o derzue yglade.
S'Andere Fest findet ir Cantina statt.