Hüt am Morge het der Kurt uf em Wäg nach Willisau, der Peter zum R. gstellt. I ha mit früschem Fleisch u Räschte vo Gester u Vorgester Zmittag kochet. Der Kurt isch kurz vor em Eis Hei cho. Am Drüü si mir Richtig Burgdorf. I ha am 15.45 Uhr uf der Onkologie e Termin gha. D'Pflegefachfrou het mir e Leitig gsteckt u zwöi Röhrli Bluet gnoh. E halb Stund später het der Kurt mit mir zum Dr. chönne. S'Resultat vo de Bluetwärte isch voll okay gsy. Si gseh alli ganz guet uus. Wäge myne Rüggeschmärze söll ig di nächste Täg Entzündigshemmer näh. Mit der Leitig het si mir z'erscht Bluet gnoh, für ne Tumormarker z'mässe. Si het mir nächär d'Infusion für d'Knochdichti z'stärke ggäh.
Am Mändig lüttet mir der Dr. aa u je nach Tumormarker, mache mir es CT oder nid.