D'"Familienferien am Meer" hei in Griecheland e nöii Hotel Aalag im Herbst chönne belege. S'Aldemar Olympian Village in Skafidia uf em Peloponnes. Es isch nümme so ne Wältreis gsy wi uf Euboa. Es isch mit em Outo chly meh als e Stund vo Patras wäg. Mir si mit üsne vier Kids häre u hei Bungalos Zimmer gha. Fasch jedes Gebäude het en eigete Pool. Da mir aube Müeh hei gha i de Familieferie üsi Kinder z'unterhalte: was für di "Grosse" gfägt het isch für di "Chlyne" überfordernd u was für di "Chlyne" passend isch gsy het di "Grosse" glängwylet... Drumm, si di altersgrächte Kinderprogramm o für üs als Eltere gäbig gsy. D'Wyguet Besichtigung mit Degustation hei mir aus Eutere am meiste gnosse. Üsi Kids hei's aube gnosse, bim Riisige Büffet am Abe das dörfe z'näh wo se gluschtet. Mir hei ihne erloubt gha, bim Dessert aaz'fah...