Mir hei uf e Brienzersee wölle dä isch aber so voll, dass er für Schiff gsperrt isch worde. Si hei üsi Reservation uf e Thunersee verschobe. Am Nüni hei mir s'Mamie gholt. Füf Minute vorhär isch der Jamie ygstige. Der Kurt, d'Sarah u der Pesche si derby gsy. Mir si uf Interlake gfahre wo s'Bläuer Grosi u ihri Betreueri, d'H. is Schiff ygstiege si. Es isch der Buebebärg gsy u mirhei druf Zmittag ggässe. Mir si in Spiez usgstyge u hei dört öppis trunke. Drü viertelstund später isch d'Blüemlisalp cho. Si hei no gseit, dass si müessi d'Schifffahrt ystelle u, dass nume d'Blüemlere dörfi fahre. vo Interlake West si mir no uf Wilderswil go Zvieri näh. Nachdäm mir alli verteilt hei, si mir Hei go Fernseh luege. Der M@i isch mit der Band am Musigä gsy, drum si der Pesche u ig nomal abe. Mir si nächär ufe go Happy Day u Volunteer luege...