Hüt am Morge bin ig ume ir livenet Pouse gsy. Aaschliessend han ig am ne Talk teilgnoh mit em Produzänt u am ne Kameramaa vom ne Doku- Film zum Läbe u Stärbe vom Philipp Mickenbecker. Es wird sehr interessant u o berüehrend.
Am Namittag, si mir go di zwe grosse Buebe z'Höchi go hole u si grad z'erscht mit em Grandmaman go Glace ässe. Si sy nächär mit em P. uf der Mutti go schutte. Si hei nächär no Musig gmacht u sy gly mit em M@i ume hei gange. Mir hei nächär Fernseh gluegt. Nach em Znacht de o.