Der Kurt het nid mit üs chönne mit em Outo mitcho. I bi mit üsne vier Kinder mit em Outo Richtig Ancona u dört hei mir für ne Nacht und em ne Tag d'Fähre gno uf Patras. Mir hei uf der Fähre e Teenie wo o a glych Ort het wölle im Outo mitgnoh...Wo mir in Patras ab em Schiff sy, bin ig e so gfahre wie me sött. Da het mi es Outo Links und e Lastwage rächts wölle überhole. I ha du gfunde, das göng gar nid u bi ufs Gas. Vo denn aa bin ig o griechisch gfahre...
Der Kurt isch e Wuche später mit em Flüger cho.
Es isch uffällig gsy, wi kälter s'worden isch wo mir e Wuche später ume Hei gfahre sy. Der Kurt het müesse d'Klimaalag aus Heizig bruuche. D'Kinder syge ir Lobby im Wasser zyybet...
Mir hei dä Teenie o wieder mitgnoh u so bin ig mit füf Komentierende gfahre...Uf der Höchi Athen, han ig d'Abzweigig gäge Patras verpasst u bi plötzlech im Hafe glandet, im Süd-Weste vor Stadt. Nach myre Orientierigsgab, han ig müesse i d'Nord-West Syte vor Stadt glange, Es isch jede Wägwyser uf Griechisch gschribe gsy. U di Junge hei kräftig komentiert...Won ig du bi re Krützig d'Outoschybe abeglah ha um z'frage wo me uf e Highway nach Patras chömm, het dä Fahrer gmeint: "it's just at the next traffic light, at the right side" das het gheisse, bir nächste Ample, rächts....Mir sy du mit angerhaub Stund verspätig aber Gott sei Dank, geng no e Haub Stund vor abfahrt vor Fähre an Bord aacho...
I ha du mi Fahrstyl je nächer mir zur Schwyz cho sy, wieder müesse aapasse...