Es isch während de Summerferie gsy. Vor üsere Fabrik isch das Land no frei gsy wo Hüt s'Bougschäft Masciadri druf isch. Üses Kindergottesdienst Team het es Lager mit em ne Dotze Kinder us der BewegigPlus u no Schuelkollege vo üsne zwöi Grosse düregfüehrt. Si hei verschiede grossi Zält ufgstellt u hei e Wuche lang hie gwohnt. Si hei zäme Gschichte glost, bastlet, i üsem Bädli badet u si sogar Mal go Rössli rytte. I ha ihne Indiadergricht gkochet z.B. Indianerbohne Suppe, Spiessli uf em Füür, Chilli con Carne, Maiskolbe uf em Füür u no anderi gueti Sache. Der Matthias het o überall mitgmacht. Er het albe am Abe gar nid Fröid gha, i sym Bett müesse z'schlafe. Ig scho, i ha denn scho mit em Rügge Müeh gha...