Das Wätter het mi nid gärn...es tuet mir alles weh...Es chunnt mir so vor, als würdi mi Körper uf das Grau in grau mit no meh Müedigkeit reagiere...
Hüt am Morge het mit d'R. ume mit Lougegipfeli zum ne Käffeli bsuecht. Sogar der Kurt isch du mit em M@i d'Obe cho Znüni näh.
I ha nächär di nöischti Folg vo "The Chosen" afa luege u ha mit de Räschte u em Louch wo der Kurt gester am Abe mit de Spargle vom Znacht im Steamer blanchiert het e Gratin gmacht. D'R. het mir no ne schöne Salat bracht. D'Hälfti het guet glängt, mir si Hüt nume z'dritt gsy. I ha nach em Zmittag d'Serie wytergluegt. I wär gärn no chly use aber es gluschtet mi doch nid i Räge use...