I ha scho wieder s'Rysse gha uf Israel z'reise. So hei mir das Mal üsi drü Kids mitgnoh. Ohni gross z'überlege wägem Gepäck, hei mir s'chlynschte Mietouto bstellt. Es isch e chlyne KIA gsy. Mir hei eis Sitzli drynne gha u hei vor alli Sitze ussert bym Fahrer o no War verstout. We der Koffer isch dynne gs, het d'Karosserie grad e Lärm gmacht u nahgla, we me der Kofferrum zuetah het...Mir si uf Tel Aviv gfloge u si mit em Outo über's Tote Meer uf Eilat. Dört hei mir für zwe Wuche am Corall Beach es Bungalo gmietet gha. Es isch luschtig gsy, we d'Lüt Hebräisch gredt hei, hei mir mängisch gmeint si redi Bärndütsch u hei doch nüt verstande...
Es het dört fasch nume Yheimischi gha. Si sy sehr Kinderfründlech gsy!
Üsi Sarah het in Eilat , mit 14 Mönet afa loufe. Das isch für üs e ryyse Fröid gsy. Si isch no bis 11 Mönet mit em ne Gstell im Spagat gsy wäg de Hüft. Si isch nid würklech gschnaaget...Uf em Fötteli het si grad ihres Lieblingsgetränk gha: Mangosaft...Es sy ganz schöni Ferie gsy. D'Krönig vom Ganze isch gsy: Der Aaschlussflug vo üsem vo Eilat uf Tel Aviv, nächär uf Züri isch gstriche worde. Da het üs d'ELAL im Hilton, in Tel Aviv zwöi grossi Suite reserviert. Mir hei am Morge no grad chönne im Hotel üses Gepäck abgäh u scho ychecke. Das isch es Feeling gsy, e Mal VIP's z'sy.