I bi Hüt mehrheitlech gläge. Zum Zmittag het's Siedfleisch ggäh mit Köhli, Zibele, Knobli u Härdöpfu. I ha no ne Räschte Rys gha won ig brätlet ha mit Eier. Am Nami het mi d'V. bsuecht. Es isch interessant gsy mit ihre z'brichte. Gägen Abe han ig Lust gha no chly furt. Der Kurt het der Copen gsattlet u mir si uf d'Mänziwilegg. Es isch hüt chly trüeb gsy aber schön warm! Mir hei öppis Chlys ggässe u sy nächär no nes Tüürli go mache. S'Ämmital isch scho schön!