Am Elfi isch d'Sarah ufe cho u het ganz feins Poulet a re Ärdnusssauce mit Orientalischer Gmüesmischig u mit Zucchetti u Pepperonisauce u Basmatirys gmacht. S'Brutpaar vo Morn isch no go d'Grandmaman hole u si cho Zmittagässe. Der Päscu u der Kurt si o cho. Nach em Zmittag si di Junge u der Kurt alli uf Einige go zwägmache. I bi no go liege u s'Mamie het richtig gschlafe. Am drüü si mir uf d'Moosegg i d'Waldhüsere go ne Coupe ässe. I ha se nächär überem Obertal u Möschberg mit em Cabrio Hei tah. I ha o no wöue Chräft sammle für Morn, für's Hochzyt!