Hüt hei mir vo M. u P. Bsuech gha. I ha se grad beuftreit am Elfi d'Grandmaman bym Landblick go z'hole. I weiss, dass s'Mamie gärn am ne Knoche gnagget, drum han ig Pouletflügeli gmacht. Derzue han ig Hörnligratin u Salat gmacht. Nach em Zmittag hei mir no brichtet u chillet. Der Bsuech het s'Mamie ume uf Höchi tah. I ha nächär no für mys Privatmandat Unterlage müesse yscanne u per Mail verschicke. Gägen Abe sy der Kurt u ig mit em ne feine Nidlechueche wo mir übercho hei zu Thürs go Znacht ässe. Es het z'erscht Fachitas ggäh. Mir hei nächär no der warm Abe mit em ne Fährtli im Cabrio abgrundet.