Der Onkolog het mir, wi abgmacht, hüt am eis aaglütte. D'Bluewärte syge alli im Norm Berych. D'Entzündigswärte syge ganz liecht erhöht, aber no ir Norm. Der Tumormarker sygi no um d'hälfti abe. Da sägen ig HALLELUJA! Er het mi ume gfragt, öb ig bereit sygi d'Antihormon Therapie z'mache. I ha ihm g'antwortet, solang ig immer no a Händ u Füess Sensibilitätsstörige heigi, wöll ig nid o no Glänk Schmärze a Händ u Füess...im Momänt muess ig eh mehrheitlech liege wäg myne gschwullne Füess. Uf der linke Syte isch es unger em Knöi u der gross Zähe u Rächts isch es s'Fuessglänk. I dänke, ar Farb aa, sy's d'Bänder...Das vergeit aber hoffentlech gly...