Hüt am Morge isch d'D. nach em Znüni mir cho ne Fuesspfleg mache. Si isch no grad zum Zmittag da blybe. i ha wieder Mau Saucehärdöpfu mit Würst u Salat gmacht.
Am 14.30 Uhr han ig uf der Onkologie e Termin gha. I bi mit em Copen gfahre. Zum Glück han ig ir Ystellhalle parkiert u nid wi z'erscht dänkt, bym Kurzzyt Parkplatz. Z' erscht hei si mir nur Bluetdruck gmässe u nachdäm ig bym Dr. gsy bi, het er e Bluetentnahm für Bluetwärte u Tumormarker z'mässe verordnet. Am Zischtig tuet är mir de aalütte u git mir de d'Resultate düre. Unterdessi isch scho fasch Vieri gsy.
I bi no hurti zum Grandmaman u nächär zur N. go di letschte Fädeli vo myne Haar schnyde wo nid usgheit sy. D'Haar sy scho Sächs Millimeter gwachse. I gah jetz mit em Kurt go Znacht ässe...
Morn fahre mir bis am Mändig is Tessin. Ciao!