Es het mir glängt, nach em Znüni mit üsne Junge is Livenet Znüni. Hüt isch es um üsi Identität gange. I bi froh, my Wärt z'kenne u mi vom Vater im Himmu gliebt z'wüsse!
Zum Zmittag han ig es schnälls Menü wölle. Der M@i het mir ghulfe. Teigware Carbonara u Salat.
Am Namittag bin ig go myni Schwiegertochter a ne Termin fahre u ha nächär di zwöi Änkle uf Bigle gno. I ha versuecht mit der Jael es Memory z'mache. Si het scho füf Päärli gha u ig erscht eis...der Noé hät o am liebschte mitgmacht. Es wär nid so guet cho. Bi ihm wanderet im Momänt ja alles is Muul. Ja, es isch so, dass si extrem schnäll gross sy! I bi so dankbar darf ig se zwüschyne gniesse. Si sy scho ume gange und ig ha no hurti es Brot gmacht. Es bruucht haut scho eis für Zmorge u Znüni...Hinecht han ig bis jetz nüt los.