Gester bin ig im Radio cho. I ha ne Wettbewärb gmacht. Hoffetlech gwinne mir...
Vielleicht noch ein letztes Mal «Ferien am Meer» (lifechannel.ch)
Irgendwie tuet mi das trüebe Wätter o chly abezieh. I mag so nid, bi sofort müed. Wenn ig mi z'fescht aastränge, de wird's mir grad schlächt...I bi im Grund gno scho positiv merke eifach, dass myni körperleche Gränze viel änger gsteckt sy u das isch neu für mi u bruucht Geduld.
So as Meer dänke wärmt mys Härz. Es wär jetz so schön, im Aldemar...siehe Bild...
I ha gester am Abe nach Jahre wieder Mau der Eurovisioncontest gluegt. Üse Verträtter, e wältsch Secondo mit Kosovo Albanische Wurzle het würklech e wunderschöni Stimm. I mag's ihm gönne isch er is Finale cho.
Zum Znüni chunnt mi de d'R. cho bsueche.
Am Namittag gahn ig mit mym Schatz wieder Mau uf Wilderswil go feins Znacht ässe. Mir übernacht grad dört, de müesse mir nid kalt ha u chöi vo Afang aa d'Inne hocke.
I wünsche allne e gsägneti Pfingste!